Jeepney

Ako-isang ligaw na nilalang.
Naghahanap ng kasagutan.
Naghahanap ng kapayapaan.
Nakita ko ang jeepney.
Pumukaw siya sa akinng mga mata.
Ninais ko ang harapan ngunit
may nakasakay na.
Umupo ako sa dulo, para kahit
papano'y masandalan ko siya.
Bumaba ako sa akalang narating na ang destinasyon.
Ngunit, nagkamali ako-ako'y napabuntung-hininga.
Naghahantay muli ng panibagong masasakyan.
Walang huminto sa aking pagpapara.
Muli, ako'y nagpagala-gala.
Sinubukang buuin ang sarili.
Huminto muli ang mundo ko.


Dumating siyang muli, ang jeepney.
Pinara ko siya. Pinasakay niya ako.
Ninais ko ang harapan ngunit
may nakasakay na.
Umupo ako sa dulo, para kahit
papano'y masandalan ko siya.
Bumaba ako sa akalang narating na ang destinasyon.
Naligaw akong muli, nabigong muli.
Sana mapara ko siyang muli -
Malay natin, ako na ang nasa harapan, kasama sa
bawat paglakbay.